La estatua del Emperador Claudio acolumbra’l mar dende la so atalaya del Campu Valdés: Somos l’únicu pueblu que llevanta monumentos al invasor. (La estatua ye, como atalantaría'l llector intelixente y paseante, la d'Octavio Augusto. Gazapu detectáu por X.X. Sánchez Vicente)

UNA PELÍCULA: Tomboy, de Céline Sciamma. Sigue’l Cine de la 2 ufiertándonos bones películes. Nesti casu trátase d’un film de la direutora franesa Céline Sciamma que lleva por títulu Tomboy. Agora que la mayoría del cine norteamericanu pa rapazos estrémase ente los superhéroes más o menos violentos, o les pelis d’animación, esta cinta europea supón una rabasera d’aire fresco pa los que nos presten les histories empobinaes a la xuventú. Una familia treslládase a vivir a un pueblu a les afueres de...

Na entrada anterior titulada "Taurinos y antitaurinos col cuchiellu ente los dientes" escapóse un erru rellacionáu cola semeya que lu acompañaba. Apaecíen nella los componentes de l'Asociación Selmana Negra que nada tienen que ver col alderique taurinu. Yá ta correxío. Perdón

La guerra nun ye nueva, y en dellos sitios acabó cola derrota d'un de los dos bandos. Por exemplu en Cataluña, onde trunfaron los "anti" por goliada: prohibieron los toros dafechu. En cambiu en San Sebastián, que taben prohibíos, acaben llevantar la prohibición: ganaron los otros. Nuna griesca na qu'hai gritos inclusive de "asesinos", hai que tener munchu cuidáu pa metese, porque toos anden como los pirates: col cuchiellu ente los dientes. Pero dalgo podremos opinar los que dexamos les armes...

Últimu alcuerdu ente'l PSOE ya Izquierda Xunida al rodiu de la llingua: "A partir d'agora va a llamase Bable o Asturianu".

Como dicen que'l que muncho fala muncho s'enquivoca, esta vuelta nun voi llanzar les campanes al vuelu. Dígolo pol nomamientu de Xenaro Alonso Mejido como nuevu Conseyeru d'Educación y Cultura. Y ye qu'alcuérdome de cuando nel gobiernu del ínclitu Cascos "el breve", punxeron nesi cargu a Emilio Marcos Vallaure, y titulé un d'estos articulinos dalgo asina como "un de los nuestros". Llueu resultó que como'l del chiste, nun yera del mesmu Bilbao. Poro, nun quiero cayer nel mesmu erru y...

Allégrome polos hosteleros, los hoteleros, los entamadores d'actos festivos de cualquier frasca, los barrios y parroquies que cellebren el santu o la santa, la Cámara de Comerciu que fai la Feria Muestres, l'Ayuntamientu que nos enllena les places y requexos xixoneses de cantantes llocales o foriatos, los vendedores de pólvora pa los voladores, los clochards o cenciellamente pidigüeños... Allégrome por toos, y polos que se m'escaecen, pero esto nun hai Dios que lo aguante. Tengo tanta gana de qu'aporte l'iviernu...

Lletreru a la puerta de La Cueva de la Santina: "Queden suspendíes toles peticiones hasta nuevu avisu. Colo del Sporting yá tengo bastante."

UN DISCU: "Gigliola Cinquetti y Los Panchos". Güei yá naide s'alcordará de la gran Gigliola, pero a lo llargo unos años (los 60 y los 70) fue una de les cantantes más populares de música llixera. La fama llegó-y bien ceo, pues con 16 añinos gana'l famosu Festival de San Remo con una canción que yá va acompañala pel restu la so carrera: "Non ho l'etá (para amarti)". Y yera verdá, pues con esos años y nesa dómina, nun tenía...

¿Qué-y fadría la OCDE a España pa que-y manden p'allá d'embaxador a Wert?