-La TPA recoyó mui bien l'espíritu asturianu: fizo tol percorríu previu peles cais, y cuando llegó'l momentu decisivu del Ayuntamientu, cortó la conexión. -Pensamientu filosóficu:  ¡Cuántu nacionalismu desperdiciáu...! - Al final los que más ganaron fueron les tiendes de los chinos... -El Girona tien un consuelu: nosotros tamién vamos de roxiblanco. -Munchos sportinguistes queríen terminar el desfile nel Ayuntamientu... d'Uviéu. -Yá nun vuelvo a criticar a "los de la Blanca Paloma". -El Sporting xube a Primera, l'Uviéu xube a Segunda..., cuasi...

Esi yera'l títulu d'una simpática película de Berlanga qu'encartia mui bien pa desplicar lo que pasó esti domingu: El Sporting ta en Primera. Nun voi dicir la carambola que tenía de pasar pa qu'esto asocediere, porque tolos xixoneses sábenlo. El casu ye qu'esa carambola dióse. Y nun ye que nel fútbol nun se dean los milagros, claro que sí, esi ye un de los sos alicientes, pero tampoco nun ye que pasen tolos díes. Abasta con mirar les clasificaciones al...

La economía sostenible que defendía yera la que lu sostenía a él.

Acaben de concede-yos el Premiu Príncipe d'Asturies de los Deportes a los hermanos Gasol. Nun seré yo quien niegue los méritos deportivos de dambos a la hora de dá-yoslu. Pero na mio humilde opinión habría que buscar, nestos premios, dalgo más que méritos "de rellumbrón". Los Gasol trunfen n' Estaos Xuníos y na Seleición Española y cobren por ello una millonada, amás d'esos famosos drechos d'imaxen que suponen otru tanto. Nada que retrucar, les coses son asina nesi mundu de...

Prohíbese facer semeyes a los deteníos ricos.

Cúmplese un añu dende la proclamación de Felipe VI como Rei d'España. Socedió a so padre, como suel pasar nestos casos, qu'abdicó dempués d'algamar unes cifres de descréitu másimes nos cuasi cuarenta años del so reináu. Ye lo que tien la monarquía, nun faen falta eleiciones, nin urnes, nin campañes, nin día de reflexón. Pasa d'un a otru "pola gracia de Dios". Empondérase al retoñu de Juan Carlos I pola so prudencia. ¡Qué menos! Namás faltaría que tamién fuere a...

Nun m'importen muncho los pitos al himnu, pero nun sería más consecuente que renunciaren a xugar -y a ganar- la Copa del Rey.

Hai determinaos productos lliterarios, mayormente noveles pero tamién obres de teatru y guiones de cine, que cueyen como argumentu dalgún socesu real pa, dándo-y una capa de ficción (porque sinón sería ensayu o crónica periodística) cuntanos una historia a medies ente la vida y la imaxinación. Guerra y paz podría ser un tópicu exemplu, pero hai otros munchos y dalgún d’ellos que cinca a la realidad española más de cerca. Asina, pal que quiera conocer cómo se desendolcó’l famosu “desastre...

Nun yera adictu al Réximen, por eso taba tan gordu.

Mientres los partíos recien salíos de les eleiciones faen cálculos d'intereses, y principien yá a incumplir les sos promeses, la vida política sigui, anque dalgunos -el gobiernu- nun s'entere. Asina que vamos cambiar un poco'l "rollu". Ye bien sabío que los vieyos paises colonizadores -Inglaterra, Francia...- procuren caltener coles que fueron les sos colonies dalgunos vínculos especiales de rellación. Ye una forma d'alendar, de favorecer unes bones circulaciones de persones y mercancíes, con dalgún privilexu por parte y parte. Y...