Doime cuenta de que nun punxe una pallabra sobre la muerte del famosísimu escritor alemán Günter Grass, premiu Nobel y Príncipe d'Asturies de les Lletres. Tengo disculpa: morrió'l mesmu día que'l gran Galeano, que nin ganó'l Nobel, nin el Príncipe, pero que m'interesa muncho más. Reconozo en Grass un home comprometíu col so tiempu y el so país, pero siempre me paeció un poco "plomazu", al marxe de les polémiques más o menos provocaes del so pasáu como miembru de...

Diz el cabezaleru de Podemos n'Asturies que la Oficialidá de la llingua ta nun horizonte a llargu plazu. Habrá qu'esperar a esi plazu pa votalos.

España llama a consultes al so embaxador en Venezuela. El Presidente venezolanu esplayóse públicamente poniendo a parir al Gobiernu español, encabezáu por Rajoy, y al ínclitu Felipe González que ta claro que nun cumple, n'absoluto, la so misión de paz como ex-presidente del gobiernu. Porque esa creo que debiere ser la misión de los ex-presidentes cuando entren otra vuelta en política: facer d'embaxadores de bona voluntá, de pacificadores (Carter, Clinton...). Se conoz que'l señor González lleó la novela de Ray...

“Hemos trabajado mucho para saquear a este país”. Mª Dolores de Cospedal (El País 22-4-15)

Hai unos 200 años, paezme que fue nel 1812, fundióse'l famosu "Titanic" nuna catástrofe que produxo 1.500 muertos. Ye un fechu que pasó de les páxines de socesos a les de la mitoloxía. Sobre'l "Titanic" sábese too: los nomes de los vivos y de los muertos. Cómo yeren los platos y los cubiertos. Los camarotes de les distintes categoríes y hasta la música que tocaba la orquesta mentanto'l barcu fundía. De lo que ta pasando estes selmanes (pero que ya...

Halterofilia: Rodrigo Rato campeón del mundu na especialidá d'alzamientu de bienes.

Nun quiero quita-y nengún méritu al ex-comisariu y vicepresidente del Parllamentu Européu Antonio Tajani, sinón espeyar namás lo escesivos que somos los asturianos (los xixoneses en particular) y el mou que tenemos d'agradecer los favores. Porque lo que'l señor Tajani fizo, con bona mano y gran aciertu, fue lo que ye la so competencia: intentar iguar un problema de desllocalización d'una empresa, que quería marchase "de rosites" de les sos obligaciones pa cola factoría xixonesa y los sos trabayadores. Tajani...

Esti Xixón ta que lo quema, siempres atarraquitáu d'actos culturales y munchos d'ellos de baldre. Asina, ayer pude tar en tres d'ellos ensin salir del mesmu recintu: el "mio" antiguu Institutu Xovellanos qu'entovía recuerdo colos sos profesores y los collacios qu'ellí estudiamos, dellos de los cuales siguen siendo amigos. El primeru de los actos fue la presentación del llibru gráficu d'Alfonso Zapico, La balada del Norte. El salón d'actos del Institutu taba enllenu pa sentir falar al Premiu Nacional de Comic, Zapico,...

“Buscan el apoyo de la alcaldesa para organizar una cita de paracaidistas veteranos en Gijón” (Titular d' "El Comercio"): Home, si se trata de paracaidistes el más indicáu ye esi Prendes, de UPyD.  

Muerre Eduardo Galeano y muerre, por tanto, un fueu grande, según la so propia imaxe. Y nesti momentu de desolación y tristura, camiento qué suerte ser contemporaniu suyu. Poder conocer lo qu'el nos tresmitió en toos y caún de los sos llibros. Imaxino per un momentu que yo morriere, por poner una fecha, hai sesenta años y entós nada de lo que ta escrito por él esistiría. Gracies, pues, a la vida -como diría Violeta Parra- porque anque agora yá...