Esti día púnxose en contautu conmigo La Asociación Autismo Ávila, inxerta na rede d’asociaciones de Castiella La Mancha, pa comentame un guapu proyeutu que tán a puntu de llevar a cabu. Ye la publicación, na editorial «La Estrella Azul», d’un album que cuenta una pequeña historia d’una neña autista. Les autores del album son Cristina Leyva y Rocío Martínez y lleva por títulu: «¡Niña nueva en el parque!». La idea que teníen yera publicala en toles llingües del Estáu, y pa ello pidíen la mio collaboración pa facer la torna al asturianu. Naturalmente díxe-yos que sí, y a estes hores ya tienen nel so poder el testu n’asturianu pa que s’asoleye ente’l restu de les otres llingües hermanes. Ye curioso ver cómo en munchos llugares ayenos a Asturies valórase a la nuestra llingua y dan por fecho que somos un País normal y que toos equí damos-y el valir que merez. Nun saben que, por desgracia, tenemos al enemigu dientro.
Esto fue lo que me punxo la responsable de l’asociación cuando recibió la mio torna:
«¡Muchísimas gracias, qué bien, ¡me ha emocionado leerlo en asturianu!»
En fin.
