Agora, yá cellebrada la Semana Grande xixonesa petezme escribir dalgo sobre’l mio pueblu, nel que nací y nel que, con delles escases ausencies, vivo. Llevo tiempu sintiendo na radio y nos papeles modes y espresiones que nunca na mio casa, ni na de mios pás se sintieron. Nin na de los amigos de la mio quinta, porque ésti ye un tema que comentamos muncho. Esto nun quier dicir que lo de mio seya meyor o peor, nin que les coses,...

Nun pue pasar el branu, época de llectures vacacionales, ensin poner nel blogue dalgún poema que me prestare. Un poco por casualidá, volví a relleer el pequeñu cuadernín "P'anular los adioses", de Lurdines, que publicó Trea. Son toos guapos, asina que: una, dole, tele, catole, quile quilete... tocó-y a ésti: EL COLOR DE L’AUSENCIA Agora que solo soi quien a dormir nel silenciu -na vertiente irremediable de l’ausencia- sigues templando l’alma, llendando’l tiempu d’antes, porfiando col poder del color -flores-...

Los llibros d'autoayuda funcionen mui bien, autoayuden muncho al que los vende.

Na última revista "Cuadernos  de Literatura Infantil Y Juvenil" (CLIJ), que dirixe con gran aciertu la xixonesa Victoria Fernández, inxértase un artículu del direutor de la editorial gallega Kalandraka, Xosé Barreiro, na que, de xuro ensin pescancialo, escaezse de que xusto al llau de la so comunidá, hai otra que tamién tien llingua propia. Pa recordá-ylo, escribi-y una carta personal que, pasáu'l tiempu, quedó ensin rempuesta. Como quiera que me paez d'interés el so conocimientu, amiéstola equí pa información pública....

Títulu: La princesa de hielo Autor: Camilla Lackberg Torna: Carmen Montes Cano Editorial: Maeva Ediciones Añu: 2004 NOVELA NEGRA CON VISTÍU BLANCU.- Tán dafechamente de moda los/les escritores nórdicos qu’escriben novela negra, como si’l talentu o la capacidá de fabular pudiere dalo una determinada nacionalidá. Nun ye asina, claro, pero tal lo paez pola cantidá d’autores suecos, noruegos, finlandeses o islandeses que cuenten unes ingrientes histories de crímenes, la mayoría mui abegosos, col telón de fondu blancu de la nieve...

Yera un paisanu mui prudente, daba siempres los abrazos en "b".

Emplego’l títulu de la película de Robert Redford y Demi Moore, quiciás de forma desaxerada, pa facer un pequeñu comentariu al rodiu de la proposición qu’Izquierda Xunida fizo a Podemos (y a esi ente gaseosu que se llama Equo), nel sen d’una gran coalición d’izquierdes que pudiere gobernar en Xixón, n’Asturies, n’España y, seguramente, nel restu la Galaxia. Ye una táctica que yá fiede un poco esa del grupu I.X. de querer coaligase con cualquier cosa que se ponga a...

Nun tenía muncha gana de referime al “Honorable” Jordi Pujol porque abúltame que yá la prensa española ta dándo-y abonda ”caña”. Poca cosa pue añadise a toles descalificaciones, merecíes, del que fue Presidente de la Generalitat per una montonera  d’años. Anque repúname bastante que, muncha d’esa prensa, aprovechando que’l Piles pasa per Xixón, aprovecha pa descalificar d’una tacada al independentismu en xeneral y al nacionalismu catalán en particular, como si eso del “choricéu” y la sinvergoña fuere patrimonio de races,...

Nel Buque escuela Elcano tien qu'haber munchos suspensos.

ENTRADA REPETIDA.- El día 28 de xunu, cuando entovía naide falaba del Ébola nin el mieu s'espurría como agora, publiqué nel blogue esta entrada que, paezme, ta agora de plena actualidá. Repítola equí ensin cambiar nin una coma. Namás añadir que güei pon El Comercio qu'Arcelor Mital tien tráficu de mercancíes, pol puertu del Musel, con Liberia, un de los paises contaxaos. Diz el Gobiernín asturianu que'l riesgu ye "improbable". Ya sabemos que "improbable" nun ye lo mesmo que "imposible"....