Escríbeme Kepa Osoro, que ye un de los responsables de "La Casa del Lector", declarándose fiel siguidor de "Trabayu de Campu" y unviándome unos enllaces que me paecen perinteresantes. "La Casa del Lector" ye un inventu de la Fundación Germán Sánchez Ruipérez, una de les entidaes que más y meyor trabayen nel campu de la LLIJ (Lliteratura Infantil y Xuvenil), nun sólo n'España, sinón tamién nel estranxeru. Una de les coses de les que me siento más arguyosu ye la de...

Paez seguro que la Merkel trabaya siempre col sistema PDF: Pa Da-yos Fuerte.

Anden los cronistes deportivos mui contentos pol trunfu de la Seleición Española en París. Esti trunfu nun ye sólo que desbroce'l camín del equipu pal mundial de Brasil -dicen- , sinón que reafirma que l' "estilu Del Bosque" ye'l meyor y sigui funcionando pese a les dubies que se llevantaren (por ellos mesmos, claro). Total, que too bien, somos mui bonos y sobre too "el Marqués de Del Bosque" ye'l meyor entrenador del mundu, como preba del premiu que-y dieron....

Yá di la mio opinión, n'otru llugar d'esti blogue, al rodiu del tema de les hipoteques y los desahucios. En resume dicía que ye mui gordo que a ún lu echen de la so casa, porque la casa, el llar, ye dalgo mui sagrao. Anque tamién opinaba qu'hubo muncha xente responsable de metese nuna hipoteca, con unes condiciones de precaridá llaboral, a unos precios de mercáu dafechamente inflaos y con unos plazos de 40 años del too inasumibles. Y ponía...

Con "corralín" o ensin él, nel fondu toos somos oveyes.

Con tou esti enguedeyu de les "preferentes", de los "corralitos" y de los sinvergoña de la Troika, cuasi se me pasa poner una notina sobre'l fallecimientu del gran Bebo Valdés. Y nun quixera que colara pal otru mundu, onde quiera que tea, ensin dedica-y un mínimu homenaxe. La verdá ye que me prestaría que fuere un homenaxe ensin pallabres, porque los que lu sintieron tocar nun les necesiten, y pa los que non, póngo-yos una amuesa pa que vean lo...

Tuvi ayer na representación, nel Campoamor, de la zarzuela-opereta "La corte de Faraón" con un teatru atarraquitáu, pese al preciu nada baratu de les entraes. Siempre me prestó muncho la zarzuela, un xéneru mal llamáu "menor" por aquellos que lu comparen cola Opera. Porque yo creo que nun esiste dala comparación: la Ópera ye la Ópera y la Zarzuela, pues lo mesmo. Ye como los que dicen que'l cuentu ye un xéneru "menor" por comparanza cola novela. Nada tienen que ver, a...

Nuevu cartel européu: "Zona Euru: usar cascu".

Pasó l'otru día perequí, per Asturies, el que fuere direutor del Centru Niemeyer, señor Grueso, llamáu a declarar como imputáu nuna denuncia xudicial en rellación coles cuentes y factures del so mandatu. "Delitos societarios y de malversación", dicía la denuncia presentada. Como la cosa ta "sub judice  ", que se diz nestos casos, vamos presuponer la so inocencia mentanto nun se demuestre lo contrario. Pero lo que me resulta dafechamente enritante son eses declaraciones, pomposes ya irresponsables, afirmando que "los políticos de Asturias...

Diba yá munchu tiempu que nun lu vía. Venía estiráu, como davezu, calteniendo esi bon tipu que siempres tuvo, anque esta vez nun me paeció tan altu. Custiones de perspeutiva, seguro. O el pasu'l tiempu que nos va amenguando. Falo de Prendes, el gran Prendes, el delanteru centru del Sporting nos años cincuenta. Cuando yo lu vi xugar, yá empezare'l so declive, la so cuesta abaxo, pero asina y too entovía lu vi meter goles guapos. La so especialidá yera'l...