Eslogan "guerracivilista": "La Troika, pa la Cheka".

La "casa cites" qu'armaron esos de la "troika" col tema de Chipre descalifícalos como economistes y como gobernantes. Peor nun se puen facer les coses. Y ye que paez imposible cómo, un pequeñísimu país, de malpenes un millón d'habitantes, pue desestabilizar del mou que lo ta faciendo a tola Unión Europea. Chipre ye un país endeudáu, como la mayor parte de los europeos, y a cambiu d'un rescate de 10.000 millones d'euros, que ye más o menos calderilla pa los...

INTOLERABLE.- Les imáxenes d'un vidiu onde se ve a tropes españoles en Diwaniya (Irak), maltratando a güelpes y pataes a un prisioneru, pon los pelos de punta. Nun llega a un minutu, pero abasta pa que a ún se-y revuelvan les coraes. Nun importa que'l fechu se ficiere hai dalgunos años. Habrá que descubrir a los autores y a los sos cómplices (los mandos superiores, por saber o por nun saber, tendrán una responsabilidá) y castigalos como merecen. Dos entruges...

El xuiciu a los corruptos debería ser en Nüremberg.

"Habeis Papam", podríemos dicir los non católicos a los "fieles creyentes", dicho seya con tol respetu del mundu pues, ente esos "fieles creyentes" hai xente a la que quiero muncho, y otros grandes homes y muyeres que dediquen la so vida a meyorar les condiciones sociales de los demás.  Pa toos ellos, esta fecha del nomamientu d'un nuevu cabezaleru al frente de la Ilesia ye un día importante. ¡Que suenen, pues, les campanes! Pero como yá dixi en dalguna otra ocasión,...

Yera un contestatariu social, vivía siempre por debaxo de les sos posibilidaes.

Hai un dichu popular qu'afirma que, "una cosa ye ser probes, y otra miserables". Probe ye, claro, el que nun ye ricu. El modestu, el que tien que s'arreglar colo xusto, pero qu'entá conserva la dignidá. Por eso tamién se diz: "probes, pero honraos". Pero hai tamién otra clas de probes que ye muncho peor: los probes que son miserables. Que yá perdieron hasta eso que nunca nun debe perdese: la dignidá. Entamo con tou esti rollu metafísicu pa comentar...

Quería que saliere Papa Rouco Varela, a ver si asina lu llevaben d'equí.

Entovía nun tenía nada escrito sobre'l Cardenal Ratzinger, "alias" Benedicto, dende que va un tiempu presentó la so dimisón, supongo que al Espiritu Santu.  Y ye que tantes y tantes páxines s'enllenaron cola noticia, los comentarios y los análisis que a ún quítense-y les ganes de meter baza. Lo de la televisión pública yá ye de vergoña. Que nun país aconfesional, s'enllenen tantes hores empobinaes al tema ye, amás d'un derroche, un insultu a los nun creyentes o creyentes d'otres relixones. Ta...

Títulu: El crucero de la Chatarra Rodante Autor: Francis Scott Fitzgerald Torna: Enrique Murillo Editorial: Editorial Anagrama 1990 (d'un orixinal de 1924) NUN HAI OBRES MENORES.- Falar del escritor norteamericanu Scott Fitzgerald ye falar d'un de los grandes. Autor d'obres mundialmente famoses, como "El gran Gatsby",  "Hermosos y malditos", o "A este lado del Paraíso",  fue un de los representantes de la llamada "xeneración perdida". Esa xeneración d'ente guerres a la que tamién pertenecieron Faulkner, Hemingway o Dos Passos. Lo que...