Títulu: "La tierra silenciada" Autor: Graham Joyce Torna: Carlos Milla Soler Editorial: Mondadori, S.A. y Círculo de Lectores Añu: 2012 ASINA CUALQUIERA.- Cuando ún se sienta a lleer una novela de ciencia-ficción, o de fantasía, sabe que les coses que se-y van a cuntar nun son reales. Lo mesmo asocede con cualquier novela, en xeneral, sabemos que si se trata d'una novela, lo que se nos cuenta nun ye real, por más que'n dalgunes ocasiones, como nel cine, nos llanten...

Los amores del Xefe d'Estación taben en vía muerta.

Escríbeme doña M. Carmen Pérez Die, miembru del Xuráu del Premiu Príncipe d'Asturies na estaya de Ciencies Sociales, diciéndome que la candidatura a la qu'optaba l'equipu de investigación d' "El Sidrón" nun yera a ésa. Y, de pasu, pidiéndome una meyor información. Tien tola razón del mundu doña Carmen y asina, amás de dicí-ylo en corréu personal, recuéyolo tamién nesti blogue. Aprovecho pa suxerir, agora que se ta a tiempu, les razones que nel mio comentariu apurría, que creo que...

Esti mes de mayu cellebróse -esautamente'l xueves 17- el Día Internacional escontra la Homofobia. La fecha nun ta escoyía al debalu, correspuende al aniversariu del mesmu día de 1990 en que l'Asamblea Xeneral de la Organización Mundial de la Salú suprimió a la Homosexualidá de la llista de les enfermedaes mentales. Un reconocimientu mui tardíu pero que, con eso y con too, nun sirvió pa que nun siga habiendo paises y persones que faen de la homofobia la so bandera....

Suxerencia pa Esperanza Aguirre, pa cuando la xiblen n'Asamblea de Madrid: suspender l'Asamblea y cellebrala, nel bañu la so casa, a puerta zarrada.

Sorpréndeme la noticia de que l'Ayuntamientu de Xixón (de mano vamos quita-y lo d' "ilustrísimu") y l'Atenéu Xovellanos acaben llegar a un alcuerdu pa qu'esti últimu ocupe, dende la fin del cursu presente, los llocales onde taba asitiáu'l Colexu Públicu Cabrales. Que lu ocupe "n'esclusiva". Y sorpréndeme porque dende l'añu 2007 esistía un alcuerdu robláu ente'l propiu Ayuntamientu, l'Atenéu Xovellanos y l'Atenéu Obreru pa qu'estes dos instituciones ocuparen de forma compartida esos llocales. Naide nun-y dixo nada al Atenéu que...

Aplicación de l'actualidá a una canción popular: "Per el ríu Chicago baxaba un bultu estrañu, rumba la rumba la rum, yera l'Ánxela Merkel baxaba en traxe bañu, rumba la rumba la rumba, la rumba del cañón".

Finó yá la llamada meyor lliga del mundu y, llaceriosamente, con mal resultáu pal nuestru Sporting: cayemos del Olimpu de los dioses, al Hades del "inframundu", al llar de los muertos. Y nun podemos dicir que nun lo mereciéremos. A lo llargo de 38 partíos que xugamos, perdimos 21, empatamos 7 y ganamos 10. Fuimos, amás, el segundu equipu más goleáu pues marcáronnos na menos que 69 goles. Tuvimos tres entrenadores, si bien ún de pasu efímeru, y nun sé...

Dalgunos de los fieles llectores del blogue mándenme "olivines" pa incluyir nesti espaciu. Como nun quiero apoderáme de nada que nun seya mío (de "moyase" que seya por coses gordes), póngoles como emprestaes: "L'animal que más entiende de Toros ye'l monosabiu". (A.G.O.)

Acaba fallase'l Premiu Príncipe d'Asturies de Ciencies Sociales y el gallardón fue a parar a una filósofa norteamericana de nome Martha Nussbaum. De xuro que la señora Nussbaum tendrá méritos abondos p'algamar esi premiu, cosa que nun podemos evaluar los que nunca oyimos falar d'ella. Dicen que tien un "curriculum" estraordinariu y nun seré yo quien lo niegue. Pero lo que sí sé, y sabemos munches persones n'Asturies y fuera d'ella ye que a esti premiu optaba tamién l' equipu d'investigadores...