La vaca más revolucionaria ye la "Xata Roxa".

Sorpréndeme'l fallecimientu de Sergio Marqués trabayando na cocina. Siento l'anuncia na SER y dexo los cacharros p'asimilar la noticia. Nel intre entérome de los detalles. Llaméntolo mui daveres pues yera Sergio una persona que me cayía bien. Conocílu nel vieyu Institutu Xovellanos cuando los dos yéremos mui neños. Él más que yo. Puedo dicir qu'estudié ente dos presidentes del gobiernu asturianu: Tini Areces diba un cursu más alantre que yo y Marqués dos detrás. Yera d'aquella un "nenón" al que...

Diccionariu Biográficu de la Real Academia d'Historia: "Estos son los nuestros principios. Si nun-y gusten tenemos otros".

El día 24 de xineru d'esti añu, colgaba yo nesti blogue un comentariu sobre'l, d'aquella, candidatu socialista a la presidencia de Francia, François Hollande. Titulábase ¿Una lluz ente la borrina? , y n'él amosaba la mio esperanza nel trunfu del candidatu col envís d'aniciar cambios fondos nes polítiques económiques y sociales europees. Pasaron cuasi cuatro meses y esti día tola prensa internacional recueye les semeyes d'un Hollande ya presidente francés "in pectore". Poro, cumpliéronse los mios deseyos. La entruga agora...

El pexe más relixosu ye'l Sanmartín.

Voxteris ye un guapísimu proyeutu, entamáu pol músicu belga Michael Azäis, qu'atropa na so tierra natal a un piñu importante de cantautores europeos, de llingües minoritaries, al rodiu del tema de la mina, los mineros y la emigración. Ocho son los cantantes escoyíos pa la edición d'esti añu, ente ellos el mio almiráu amigu Rafa Lorenzo, cantante tinetense que lleva dende los anicios del Surdimientu faciéndonos llegar la so voz y la so poesía enllenes de fuercia y sentimientu. El cantante vaqueiru...

El Campu Asturianu va tan mal que'l que tien una oveya, xalda.

Taba yo esti día planchando una d'eses interminables colaes de ropa blanco, yá sabes, sábanes, calzonciellos, toballes, ropa menudo... y na SER namás que poníen forros de la crisis y su santa madre, y de cómo gastemos más de lo que teníemos (!), y qu'agora vamos tener que pagar delles coses de la sanidá, como la estancia, les comides, los cafés de la direición y que vamos tener que llevar nosotros les camilles de casa, y los camisones abiertos pel...

Ponía-y los cuernos con Google.

Con esa fras qu'encabeza el comentariu abastaría. Namás quiero dar les gracies a los qu'ayeri miércoles, día 2, tuvieron el detalle de comparecer, a una hora non mui afortunada, a la presentación de les obres del curina de Cimavilla. Yera un día malu, amás de la hora, pola bayura d'actos que se cellebren nesta Selmana de les Lletres, que torguen el poder tar en dos sitios al mesmu tiempu (salvo pal mocín d'un cuentu míu que se titula "L'home plural"). Asina...