A los 102 años, falleció en Xixón Pilar, la fía de Pachín de Melás. En llugar de facer una Necrolóxica al usu, préstame más reproducir una entrada d'esti blogue al rodiu d'un de los actos qu'ella protagonizó nel Atenéu Obreru de Xixón (fueron más d'un) Asina la recuerdo entovía mui viva. Que la tierra-y seya seliquina a la bona muyer. «PACHÍN DE MELÁS»… Y LA SO FÍA "Presentóse, con una entrada de xente curioso pa les feches nes que tamos,...

Morrió un de los grandes ciclistes de tolos tiempos: don Federico Martín Bahamontes. Comparar el ciclismu de les époques de don Federico, cuando entovía se llevaben los tubulares cruzaos nel pechu, colos d'agora, onde la téunica impera penriba la fuercia, nun tien sentíu. Talo que pasa en cualquier otru deporte: atletismu, fútbol, automovilismu... Poro, a Bahamontes hai que lu encuadrar na domina na que se fizo famosu y colos rivales qu'ellí tuvo: Anquetil, Riviere, Anglade, Coppi... Unos fenómenos. N'España la...

Hai un menospreciu xeneralizáu d'eso que se da en llamar "les redes sociales", porque tienen un rostru negativu, enllenu de mentires, insultos, desprecios de los que nun piensen como nosotros, esaxeraciones y manipulaciones. Ye curioso que, pesie a ello, munchos seguimos participando de les mésmes quiciás porque, de dalgún mou, nos coneuten colos demás, col mundu, enanchando'l pequeñu espaciu de les nuestres cuatro parés. Igual ye que, asina, sentímonos un poco menos solos. Pero ye que, amás, si ún sabe...

"El Rey Lear" ye una de les más dramátiques traxedies de Shakespeare. Anque la qu'aportó hasta nosotros tien la firma del gran William, la lleenda  del soberanu de Bretaña que divide'l reinu ente les sos tres fíes y los maridos, que llueu se vuelven escontra elli, ye patrimoniu de diverses cultures, y toca temes importantes como la ingratitú de los fíos, la vieyera o la llocura. Con eses blimes y otres munches d'aportación propia, la escritora norteamericana Jane Smiley (Los...

Esi ye'l títulu del últimu llibru del anterior Premiu Nacional de Lliteratura, Xuan Xosé Sánchez Vicente, acabante de salir en llibreríes y col que tuvi'l placer de presentar los mios cuentos de fútbol, recoyíos en "Un par de botes". Quiciás por casualidá, o igual por edá, peme que, anque los cuentos de Xuan Xosé y los míos son mui estremaos, tienen de dalguna manera dalgo de complementarios. Nun voi a insistir nello porque eso daría pa otra entrada distinta d'ésta...

"La desaparición" ye una obra de la norteamericana Julia Phillips, escritora de la que malpenes si tengo datos y, polo tanto, nun puedo dalos. Sí puedo dicir qu'ésta ye la so primer novela y que, como ye bastante moza, anda polos trentaytantos, espéra-y un rellumante futuru. Con esto yá queda dicho que la novela prestóme. Y esto asocede pese a que'l principiu ye un poco disuasoriu, nel sen de qu'entama cuntando la esapaición de dos neñes pequeñes y too tien...

Ta mui de moda, como solidaridá con dalgún afeutáu pol tema que seya, unos más graves y otros menos, esa fras de "Toos somos...": Fulanitu. Una muyer asesinada, les víctimes d'un atentáu, o un casu de desahuciu. Ensin embargu, el títulu d'esta pequeña entrada nun va per esi camín. Ye verdá que se ta ruxendo muncho nos mentideros deportivos, y agora tamién sociales y políticos, la fras racista cola que se quier insultar al escelente xugador del Real Madrid Vinicius....

Pingarata 1. Nunca nun vi na prensa asturiana un menor interés y cubrimientu de la noticia qu'esti añu. El propiu Día de les Lletres nin La Nueva España nin El Comercio punxeron nada del eventu. Nada. Recuerdo, va pocu tiempu, cuando poníen un Suplementu Especial con poemes, cuentos, artículos, etc. El día depués, LNE punxo una fueya y EC un cachu d'otra. Pingarata 2. La televisión autonómica sí retransmitió l'actu en direuto. Tuvo mui bien, anque pola hora que fixaron...

Corría l'añu 1975 y diba pocu tiempu que'l grupu Conceyu-Bable Xixón entamare la so actividá llingüístico-cultural-identitaria. Nun sé cómo se llogró, la verdá, pero'l casu ye que calteníemos un programa en Radio Gijón, EAJ-34 que se llamaba "Asturies na so cultura y na so llingua". Facíase dos díes a la selmana (creo que yeren martes y  vienres) y el programa tenía tres partes: una primera que llamábemos "Entamu", que yera un comentariu xeneralmente d'actualidá y bastante críticu. Una segunda parte,...

Esti día púnxose en contautu conmigo La Asociación Autismo Ávila, inxerta na rede d'asociaciones de Castiella La Mancha, pa comentame un guapu proyeutu que tán a puntu de llevar a cabu. Ye la publicación, na editorial "La Estrella Azul", d'un album que cuenta una pequeña historia d'una neña autista. Les autores del album son Cristina Leyva y Rocío Martínez y lleva por títulu: "¡Niña nueva en el parque!". La idea que teníen yera publicala en toles llingües del Estáu, y...