PRIMERA.- Obama y yo empezamos cuasi al tiempu. Él como Presidente de los USA y yo como Presidente d'un blogue que tien de nome Trabayu de Campu. Asina, en xineru del añu 2009, inauguré esti diariu caleidoscópicu con un pequeñu "post" (creo que se diz asina) que llevaba por tiitulu: "Un negru en la Casa Blanca". Afalagaba yo'l fechu de que, per primer vez na historia, un representante d'esa esclavizada, marxinada y perseguida raza (yá sé que namás hai una...

La reivindicación del nacionalismu catalán ye capicúa: "Mas Artur Mas"

Los socios d' Anxelina la "ferruñosa" (la dama de fierro alemana), unos que son "bávaros", y tamién "bárbaros", acaben d'inventar un orixinal y novedosu sistema pa finar col paru. O polo menos con parte d'él. La cosa va de contratar a un funcionariu públicu pa cada vivienda d'inmigrantes, cola misión de controlar que, na intimidá del llar, falen tamién  alemán. Dase por supuesto que de puertes afuera tienen que lo facer, porque sinón nin alcuentren trabayu nin papelos, pero eso...

Los del Sporting sí que son de Podemos...

Cúmplese un añu más de la Constitución, agora puesta n'entredichu como culpable de tolos problemes del Estáu. Hai que la reformar, pero nun sabemos cómo. N'Asturies, como en toles demás coses, fuimos a remolque de la famosa Carta Magna. En llugar d'aprovechar la nueva circunstancia pa resurdir como País, axuntando tolos esfuercios pa construyir dalgo a comuña, moderno pero allancao en tolo que la Historia nos diere, quedamos otra vuelta al pairo, ensin saber si díbemos o veníemos, retrasando decisiones...

Misión cumplida: Por fin marcha l'odiáu y vituperáu Fernández, culpable de tolos males qu'aquexen al fútbol en xeneral y al Sporting en particular, y a cambiu vien... nun sabemos quién. Otru cualquiera, da igual. El casu yera echar al culpable, al chupón... Agora yá nun farán falta les manifestaciones escontra'l másimu accionista y los sos "adláteres" (que dícía José María García), nin sacar pancartes en cualquier campu d'España en que xugare'l Sporting metiéndose con elli, nin habrá que ponese d'alcuerdu...

Andaben partíos políticos y tertulianos varios achisbando, col cuchiellu ente los dientes, el momentu en que'l grupu "Podemos" (nun sé si yá ye "Partíu") sacare'l so programa políticu del armariu. Tanta espeutativa se creare, tantos votos sacaben nes encuestes, tantu mieu teníen los vieyos partíos españoles y los "charranes" de toa frasca, que toos naguaben porque, eses poques xeneralidaes que los de Podemos remanaben, se concretaren nun Programa pa, d'esi mou, poder llanzase al abordaxe, espedazando cola so incredulidá cualquier...

El so nome de guerra yera Herrero II, porque nel equipu había otru Herrero, un roxu, zurdu, que xugaba de centrocampista o llateral y que yera Herrero I. Pero nel campu siempres fue Herrerín, nun sólo porque nun yera mui altu, sinón pol so estilu finu, asemeyando pocu físicu lo cuál yera engañoso porque nun se lu desplazaba facilmente. Igual nun destacó tanto por que coincidió nel tiempu con grandes figures como Quini, "el brujo", José Manuel, "el capi", o...

Terminarán faciéndose lleis contra los que nun son corruptos.  

Tuvi esti día, representando a l'Academia de la Llingua, na presentación del llibru Poética de muyeres 2014, coordináu pola siempres inquieta Helena Trexu y editáu pol Grupu Epona Ediciones. Recuerdo que tamién tuvi na primer antoloxía de muyeres que ficieron, fai agora diez años, lo qu'amuesa que'l Grupu Epona sigui dafechu na llucha. O meyor, nes lluches, la de la llingua y la de les muyeres, dos bonos oxetivos. L'actu cellebróse n'atopadiza sala multiusos que tien la Caxa Rural de...