close
25 de Mayu de 1808

25 de Mayu de 1808

2010-05-2525 mayu 1808466Visitas

bandera-de-asturias«Artículu primeru. Considerándose Asturies ensin Gobiernu y en güerfandá, pol raptu alevosu del so monarca Fernando VII y de tola so dinastía, lleváu a la fuercia a los dominios del so opresor, y en viendo arrempuñáu l’exerciciu del supremu poder pol duque de Berg, que se noma llugar-teniente xeneral del Reinu, y amenaciaos los más queríos intereses de los españoles, la Relixón, la Patria y el Rei, quieren los pueblos del Principáu defendese y conservalos, sacrificando pa ello hasta les sos vides.

Artículu segundu. Siendo la primer midida de salvación la de crear un Gobiernu patrióticu, enérxicu y entendíu que dirixa con procuru los esfuercios de los asturianos en resistir la horrible agresión que-yos amenacia, entama ya institui una Suprema Xunta de Gobiernu con toles atribuiciones de la soberanía qu’exercerá en nome de Fernando VII mentanto nun fuere retornáu al tronu, compuesta del patriciu D. Jose María del Busto, xuez primeru noble d’esta ciudá y de los demás individuos que merecen la confianza del pueblu y s’indiquen na llista entregada al Sr. Comandante xeneral.

Artículu cuartu. Siendo tan desiguales los medios que nel presente tien Asturies pa la defensa, de los que dispón l’enemigu pa l’agresión y recordando que la potencia más poderosa d’Europa ye la Gran Bretaña (…), el pueblu deseya y pide que la Xunta nome ne sos primeres sesiones dos representantes propios qu’en calidá d’unviaos estraordinarios vaigan a Llondres con tolos poderes pa pautar col so Soberanu una allianza defensiva y ofensiva escontra l’Emperador Napoleón y la reciprocidá d’axudes; y que dende llueu queden abiertos los puertos en tol llitoral del Principáu a los buques de S.M.B. y a los mercantes de la mesma nación.

Artículu octavu. La Xunta nel intre nel que se constituya cola presentación del xuramentu prescritu pol art. 3º, dispondrá’l mou y forma más solemne de declarar la guerra a Napoleón, emperador de los franceses, y a tolos sos aliaos, de que s’estenderá acta que firmarán el presidente y tolos individuos de la Xunta.»