close
Nuevu cursu de Reciella

Nuevu cursu de Reciella

2014-10-18Recciella540Visitas

Logo de ReciellaLa prestixosa ya inquieta asociación Reciella: families pol asturianu, unvía un mensaxe dando cuenta del aniciu de les sos actividaes pal viniente cursu. Equí vos lu pongo por si daquién, con mui bon criteriu, quixere mandar al so neñu/a a les diches actividaes. Más información en http://www.reciella.com/

¿QUIES QUE LOS TOS NEÑOS Y NEÑES DEPRENDAN O PRACTIQUEN ASTURIANU? ENTAMAMOS COL CURSU 2014-2015
Esta selmana entamamos con dos grupinos de 2-4 años en Xixón (vienres) y Candás (llunes). Ye 1 hora a la selmana, en grupos pequeños, y nun entornu lúdicu pa que deprendan y/o practiquen xugando, cantando y disfrutando. Les clases ponles Elena, una profesora titulada n’Educación Infantil y en Llingua Asturiana.
Quédanos dalguna plaza disponible en Xixón y Candás y posibilidá d’organizar otru grupu n’Uviéu. Si tas interesáu/ada n’otru grupu d’edá ponte en contactu con nós pa ver qué posibilidaes hai de facer otros grupinos.
¡Animáivos!. Recordámosvos que’l conocimientu del asturianu facilitara-yos l’accesu a otres llingües y conocer la so tierra y el mundu nel que viven, apreciando asina meyor la diversidá.