Tamos avezaos a que, nos campos de fútbol españoles, abeyen namás que grupos de «fachas» colos sos cancios y la so parafernalia nazi. Non en tolos sitios ye asina, por exemplu n’Escocia. Mándame’l mio fíu Xuan un pequeñu vidiu, grabáu nel partíu Celtic de Glasgow – Juventus d’esti pasáu febreru. El vidiu nun ye mui bonu, pero suficiente. Los aficionaos del Celtic canten a coru la guapísima canción republicana: «Viva la Quinta Brigada», un homenaxe a los muertos (munchos) de la brigada internacional proviniente d’Irlanda, que dieron la so vida nel frente de Madrid p’aparar al fascismu. La canción va enumerando los nomes de los falleciós. Ye mui emocionante. Paga la pena sentila.
http://www.youtube.com/watch?v=JqKai5-JxVg&feature=youtube_gdata_player
Y yá, pal que quiera escuchala n’otra versión, ufierto-y esta otra del gran Christy Moore que nun tien desperdiciu.
