close
OLIVANDO

OLIVANDO

cuernu-dc2a1africaUNA TRAXEDIA PERMANENTE.- La estrema situación que ta dándose nestos mesmos momentos nel llamáu “cuernu d’Africa” nun ye nada nuevo. Les distintes organizaciones humanitaries lleven tiempu alvirtiendo d’esa situación y de la necesidá d’actuar dafechu y rápidamente si nun queríemos qu’asocediere una catástrofe de pergrandes proporciones.  La catástrofe yá ta equí. Miles de refuxaos nel campamentu de Dadaab (Kenya), vinientes de Somalia, Etiopía y otros países del rodiu, tán lliteralmente morriendo de fame, sede y enfermedaes, dexando nel camín a neños, enfermos y ancianos que nun pues siguir el so pasu haza un mal menor, representáu por esos campamentos de refuxaos. Échase la culpa a la enorme seca qu’hebo esti añu. En parte ye verdá. Y tamién a una absurda guerra que nadie nun entiende ente una Guerrilla y un Gobiernu ayenos al so pueblu. Pero la mayor parte la culpa tienla el descomanáu aumentu del preciu de los cereales, dieta única de los habitantes d’esos países. La ONU fala d’un aumentu, nos mercaos internacionales, de al rodiu del 70%, respeutu al añu pasáu. Nun hai economía que pueda con eso, y menos nos niveles mínimos en que se mueven estes persones. Lo peor ye que nadie ye capaz de poner fin a too esto, cuando ta na mano de la propia comunidá internacional l’igualo. La especulación apodérase d’esos grandes mercaos que fixen los precios. En tou casu, por una cantidá irrisoria de dólares, toos esos problemes, sinón desapaecer, si podíen paliase en gran midida. Nun hai voluntá pa ello. Mentanto, los mélicos y enfermeres de Mélicos ensin Fronteres, nun dan abastu p’atender tanta miseria. (Pa una meyor información, nidia y fonda:  http://esthervivas.wordpress.com/2011/07/30/los-porques-del-hambre/ )
Pa collaborar: www.msf.es 

 

TÁN BIEN LOS TÉUNICOS, PERO HAI QUE FACER POLÍTICA.- Los recién nomaos conceyales y direutoresdenis-lehane sectoriales del Ayuntamientu de Xixón llegaron al cargu col aquello de qu’ellos yeren téunicos, non políticos, como si’l ser políticu “per se” fuere dalgo malo. Pero hai que recorda-yos a estos acabantes de llegar que los cargos qu’ocupen son, tamién, políticos. Y que ser políticu nun ye malo, si s’actua al serviciu de la comunidá. Asina, de les distintes posibilidaes téuniques que pue haber, los políticos tienen qu’evaluar cuál ye la meyor en función de les necesidades del pueblu, ensin escaecer los compromisos alquiríos. Porque inclusive hubo casos, nos que nun se dio la talla política. Anque se tea a la escontra de la Selmana Negra, l’acoyida a los escritores por parte de la Casa Conceyu foi abondo vergonzante. Ente ellos veníen persones conocíes y d’influyencia social, como Carmen Posadas, Fernando Marías, y l’escritor norteamericanu Denis Lehane (ver reseña en «Ex Libris») ente otros. Nun pue ser que falten l’alcaldesa y el conceyal de Cultura, y que’l señor Felgueroso que tuvo presente-yos diga namás que “a ver si nun hai conflictos”. ¿Con quién pensaría que taba falando? Otramiente,  la forma en que se trató (o meyor, en que nun se trató) el tema del corte de tráficu y el valláu del recinto universitariu tamién amuesa’l pocu altor políticu de los recién llegaos. Poro, bienveníos los téunicos, pero necesitamos tamién a los políticos.