El prestixosu científicu inglés Stephen Hawking fizo unes declaraciones, va pocu tiempu, en qu’afirmaba la so seguridá na esistencia de vida intelixente fuera del planeta, y alertaba del posible peligru de tener contautos colos «estraterrestres».
Nel intre, la tamién prestixosa Organización d’Abducíos de Santiago de Compostela, por boca del so presidente, desmentía tal peligru sofitáu na so propia esperiencia al respeutu. Abúltame que’l videu que va darréu debería ser de visión obligatoria pol mundu científicu y los que, como yo, somos aficionaos al tema.
