Yá sé que nun ye nuevu. Pronuncióse na cumbre de les Naciones Xuníes pal Desarrollu Sostenible, en Ríu de Xaneiro, van ya dellos meses, pero ye tan prestosu que merez la pena volver a sentilu. Trátase del discursu del Presidente d’Uruguay, José Mújica, el presidente más probe del mundu, un paisanu de setenta y tantos años, fundador del grupu guerrilleru de los «Tupamaros» pa lluchar escontra la dictadura militar, y que pasó na cárcel unos cuantos años de la so vida. Elexíu presidente d’esi pequeñu país, vive nuna casería a les afueres de la capital, onde entovía, cuando tien tiempu, trabaya él mesmu la tierra. Con esti discursu, pronunciáu depués d’otros munchos «grandilocuentes», dexó a tol mundu ablucáu. Toi faciendo xestiones pa ver si puedo faceme ciudadanu uruguayu, mientres tea esti paisanu nel poder. Les coses van per bon camín. ¡Que vos preste’l discursu! (Ye mui curtiu, son 10 minutinos)
