Un mou distintu de valorar l’añu

L’añu termina y toos, caún de nos, nun dexa de facer una pequeña valoración del mésmu. Cuasi siempre de menos a más, porque los nuestros pequeños egoismos faen que siempre partamos de nosotros mesmos. ¿Cómo fue pa min? ¿Pa la familia? ¿Pal País? Y ya, a muncha ralura de too ello, allálantrones, el restu de los problemes qu’hubo nel mundu. Pero hai otra xente que fae la valoración d’otru mou, xusto al revés que nos: ¿Qué pasó esti añu nel mundu? ¿Qué puedo facer yo pa meyoralu? Y ye que somos tan fatos que pensamos que nada nun nos afeuta, sacante lo más cercano. Hasta que yá seya tarde, porque  nos alcanzó aquello pa lo que nun tábemos preparaos: un desastre natural, una epidemia, una invasión humana d’emigrantes o refuxaos nos que nunca pensamos… hasta que piquen a la nuestra puerta. Pero hai otra xente, repito, que valora l’añu d’un mou distintu. Ellos son un exemplu. Nun minutu y mediu podemos velo.