Dalgunos amigos a los que-yos presta perder el tiempu lleendo esti blogue, pídenme que publique más coses del conocíu intelectual asturianu Xuan Pintueles, home d’abondos y estremaos saberes. Con munchu gustu complázolos publicando parte del so conocimientu en musicoloxía. Son unes notes, inédites, sobre la biografía de grandes personaxes rellacionaos col mundu de la música: a vegaes una píncelada que describe perfechamente a un autor o compositor. Ehí van (llóxicamente, ensin orde nin conciertu):
VERDI: Famosu compositor d’óperes xubíes de tonu.
PAGANINI. Gran violinista al que-y prestaba convidar a los amigos.
VIVALDI: Compositor al que-y gustaba muncho la pizza “Cuatro Estaciones”.
CARUSO: Bon tenor, pero que cobraba demasiao.
BACH: Compositor alemán al que-y gustaben muncho les flores.
TORNER: Compositor asturianu que creó’l famosu tangu de Gardel “Torner”, tamién llamáu “Volver”.
PAVAROTTI: Gran amigu de Varotti que lo quería too pa él.
PACHELBEL: Gran amigu de Chelbel, tamién lu axudaba muncho.
MONSERRAT CABALLÉ: Cantante. Dende pequeña yá asumió’l so nomatu con dignidá.
LEONCAVALLO: Fue compositor y terminó de domador nun circu.
SARA BARAS: Bona baillarina flamenca, pero un poco pesada.
PLÁCIDO DOMINGO: Mui trabayador los otros días de la selmana.
PUCCINI: Tenía operes bones, pero dalguna tamién dalgo “tosca”.
CHOPIN: Calamarín.
KARAJAN: Bon direutor, namás-y prestaba la música, lo demás importaba-y un… eso.
MARÍA CALLAS: Mui bona cantante. El mote púnxo-ylu so madre.
GIUSEPPE DI STEFANO: Xugó col Real Madrid.
MOZART: ¿Bailes?
