Yá sé qu´ésti ye un tema pasáu de moda, depués de tantos años d'intentos toos ellos esbayaos venir a estes altures pidiendo un partíu asturianu paez que nun tien sentíu. Si darréu de la Transición, nos años siguientes en que l'asturanismu afervollaba, en que se llogró allevantar non un, sinón hasta tres partíos al empar, si daquella nun hubo manera de xunise en defensa de los intereses sagraos d'Asturies (perdón polo de sagrao, ye una forma de falar), si pudieron...

Yera d'aquel grupu de noveles qu'un lleía d'adolescente fundamentalmente porque nun había muncho más que lleer.  "La vida sale al encuentro", claro, de José Luis Martín Vigil, o "Los curas comunistas". "Edad prohibida", de Torcuato Luca de Tena. Y llueu la gran triloxía: "Los cipreses creen en Dios", "Un millón de muertos" y "Ha estallado la paz", de José María Gironella". LLeí les dos primeres del autor catalán, allá polos 14 años, y cuando tovía nun teníes mui claru'l mundu...

Lleo na prensa con gran esmolición los datos -alarmantes- d'acosos escolares, y los índices de suicidios en rapazos xóvenes. Como diría Jerónimo Granda: "¡Mete mieu!" Ye curioso que, cuantes más s'anuncia y se denuncia'l tema, más paecen medrar los índices. ¿Qué facer, entós? Lo primero que quiero dicir -y digo- ye que'l tema del acosu nun ye dalgo d'agora, una novedá qu'azota a los rapazos y rapaces d'anguaño. Con esi nome o con otros, siempres esistió acosu na escuela, lo...

Nel añu 2009 la escritora xixonesa Iris Díaz Trancho publicó, cola siempre trabayadora editorial Trabe, un guapísimu llibru tituláu "La neña de les trences al revés". Ye la pequeña historia de dos neñes que viven en continentes distintos, Thana n'África y Deva n'Asturies. Nun sé cuántos kilómetros hai ente Mali y Xixón pero son munchos. Como ye llóxico ca una de les neñes tien la so propia llingua, los sos vezos y costumes, inclusive la so propia conceición infantil del...

Fáeseme raro falar d’ella en pasao, porque tovía la vi va un par de díes anque yá nun yera ella, claro. Voi a recordala como l’amiga, la vecina de la Cai Adosinda (“Reina Adosinda”, ponía siempre na direición) y sobre too la gran escritora en castellán y n’asturianu. Porque Carmen Gómez Ojea ganó los premios más importantes de la LIJ española y non sólo de la LIJ porque tamién tenía, como tol mundu sabe, el prestixosu Nadal que, polo menos...

George Simenon fue conocíu y pasó a la historia lliteraria pola creación d'un personaxe orixinal y peculiar, que surde con lluz propia al llau de tantu protagonista masuñáu y repetíu hasta la fartura d'unos escritores a otros. El comisariu Maigret dio llugar un paisanu cabal, humanu, reflesivu y que fuxe de la dicotomía "buenos-malos" pa centrase nel color gris-buxo, porque cualquier pue cometer un delitu si s'alcuentra nes condiciones afayaíces pa ello. L'autor belga tuvo una vida complexa, y dende'l...

El panorama de la lliteratura africana, atalantando por ello la escrita por africanos, ye bien ruin. Dígolo, claro, nel sen de la so cantidá, otra cosa ye la de la calidá onde, polo que yo lleí, supera los estándares medios d'otres lliteratures con munchu mayor predicamentu. Nos caberos tiempos, vamos dicir dende enantes de la pandemia, tengo lleídes dalgunes noveles ente les que podría citar "El río que nos separa" y "No llores pequeño", de Ngügï wa Thiong'o (eternu candidatu...

Nun avezo a escribir de política nesti espaciu, masque dalguna vegada que falé de política municipal pa criticar a la nuestra alcaldesa de Xixón, qu'atropa cuasi toles carauterístiques que me repunen: ye bocayona, autoritaria, desconoz la realidá y la historia de la ciudá que dirixe, nun tien nengún sentíu del humor... fiédeme hasta la pinta que lleva cuando va como alcaldesa, ye dicir, en representación de tolos xixoneses, Caún pue vistir como quiera, faltaría más, pero cuando se representa a...

Hai llibros qu'encartien bien como entretenimientu, y una vuelta acabaos nun dexen memoria. Hai otros que t'enseñen, y cumplida la so misión pasen a la biblioteca a facer compaña a esi pequeñu balagar que va formando parte la to vida. Pero hai otros qu'hai que tener a mano, pa volver sobre ellos más d'una vegada, lleelos con calma, mazcar les sos páxines y esfrutar con elles. Un d'estos llibros ye'l recien publicáu pola editorial Bajamar/Baxamar, que dirixe admirablemente César García...

Aproveché la Feria del Llibru de Xixón pa facer unes poques compres, poques porque l'añu ta mui zorru, pero cola suerte de pillar, seguro, un de los llibros más guapos. Sé que va interpretase mal lo que pongo equí, nel blogue, porque les dos autores del llibrín son amigues, y de les bones, pero tampoco sedría xusto que, precisamente por ello, les dexara a un llau como si nun tuvieren el méritu d'asoleyar esta pequeña ayalga. Porque eso ye "Colores...