Acaben de da-y el Premiu Princesa d'Asturies de les Artes a Peter Brook, home de teatru, pero non sólo: tamién de cine y d'ópera. Abúltame que ye un bon premiáu, anque yo nada nun conozo de les sos aclamaes puestes n'escena, mayormente obres de Shakeaspeare. Polo que dicen, fue mui cellebráu'l so montaxe de la obra "Marat-Sade", de Peter Weiss, en Llondres, lo cuál me trai al recuerdu la maraviosa representación a la sí pude asistir n'ochobre del 68 nel...

Viendo les cadenes de la televisión pública tal paez que tamos en plena dómina franquista: Mises, procesiones, saetes... nun mediu que debiere ser, tal y como la constitución recueye, propiu d'un estáu llaicu. Una cosa ye caltener determinaes tradiciones, cosa que siempres defendí, y otra que nos metan en casa y a toes hores unos cultos que, dende'l mio modestu talantar, rocen ya cola idolatría, convirtiéndose nun cantu "a la muerte", col aderezu de la Llexón y el so himnu...

Hai munchu ensayu, y muncha novela, sobre un grupu d'espíes ingleses que trabayaron pa la URSS y que pasaron a la Historia col nome de "Los cinco de Cambridge". Yera la dómina de la llamada Guerra Fría y, allá pelos años trenta del sieglu pasáu, los servicios secretos rusos captaron a un selectu grupu d'estudiantes universitarios que, en desacuerdu cola sociedá capitalista na que vivíen, pretendíen cambiar el mundu camentando que'l modelu comunista yera capaz de crear una sociedá más...

Na novela distópica de George Orwell, "1984", el protagonista Winston Smith trabaya nel Ministeriu de la Verdá. La so misión -paradóxica- ye la de reescribir la historia pa que vaya acordies colos deseos del Gran Hermanu. Nun importa, entós, lo que paso, nin por qué pasó, sinón que nun contradiga lo que'n cada momentu son los petites del que manda na sociedá. Como cada vuelta la realidá se paez más a la ficción, hai agora determinaos grupos de persones (muyeres...

Pues sí, dalgo tendré d'escribir sobre Alberto Cortez. Nun ye qu'haya obligación de facelo sobre tolos cantantes veteranos que van esapaeciendo, sinón porque Cortez vien a formar parte d'esa memoria musical de l'adolescencia qu'un (o sea, yo) va acoricando. Y ye que, amás, al cantante arxentinu vilu cantar n' "El Jardín" debió ser allá pol añu 1964. Falo de memoria. Lo que sí recuerdo ye que na carrera d'Alberto Cortez hubo como dos etapes. Una primera con canciones populares, voi...

Hubo una gran oportunidá d'aprobar d'una vez por toes la Oficialidá, va pocu tiempu, con un Parllamentu asturianu mayoritariamente a favor, que s'esbayó porque'l PSOE dixo que nun podía votala yá que non la llevaba nel so programa. Una rempuesta peregrina pues, a lo llargo una llexislatura, les coses van camudando y deféndense y apruébense (si se pue) coses que nun taben previstes pero paecen importantes. El tema taba, por demás, discutíu y aprobáu en diferentes niveles de la FSA...

La Oficialidá de la Llingua Asturiana: "Haz que pase".

Podríen perfeutamente ser los Montescos y los Capuletos de la inmortal obra de Shakespeare, o los yanquis y los portorriqueños de la gran West Side Story, de Robert Wise, agora en reposición, pero nun son ellos. Son, eso sí, dos mundos contrapuestos, enfrentaos ente sí anque dambos con dalguna cosa en común: la llucha escontra un país al que nagüen por cambiar. Unos llogrando una Euskadi independiente, y otros una España totalitaria y dictatorial. Falamos, claro, del mundu de la...

¡Por favor, que dalguién-y diga a Donald Trump que "Los altos del Golán" nun ye un equipu de baloncestu!

Allá polos años setenta del sieglu pasáu, un cantante arxentinu de nome artísticu "Palito" Ortega, llegaba a lo más alto de la fama musical con una canción que se llamaba "La felicidad". L'estribillu, nun ye fácil enquivocase, dicía: "La felicidad, ja, ja, ja, ja/ me la dio tu amor, jo, jo, jo, jo...". Taba presente en tolos guateques y fiestes de guardar. Al bonu de "Palito" esa felicidá dába-yla "tu amor", quien quiera que fuere la persona destinataria o receptora...