Como pel branu suel haber menos noticies d’interés, hai la tradición de que la prensa retoma tolos años dalguna d’eses que dan xuegu y creen polémica. El tema “estrella” d’eses noticies braniegues que, como “culebrones”, se llancen a la opinión pública yera’l famosu “monstruu del Llagu Ness”. Dalguién acababa de velu, o diben unviar un submarín pa rexistrar la zona, o coses asina. Tamién pasó col Yeti, l’abominable home de les ñeves. Como paez qu’eso ya rebasó la intelixencia media...

Llei de duplicidá de los Altos Cargos: "Los altos cargos tienden a duplicase en función de la so inutilidá. Por exemplu, agora tenemos dos Papas, dos Reis y dos Capitanes Xenerales de los Exércitos"  (Xuan Pintueles - Bioquímicu)

Títulu: “El otro nombre de Laura” Autor: Benjamin Black Editorial: Alfaguara Añu: 2008 UNA TURBIA NOVELA.- A estes altures de la película yá tol mundu sabe que Benjamin Black ye l’alcuñu del escritor irlandés John Banville, y sábelo porque ye’l recién ganador del premiu Príncipe d’Asturies de les Lletres. Tengo que confesar la mio inorancia sobre dambos, autor y alcuñu, a nengún conocía. Esto ye lo  bono de los premios, que tienes la oportunidá de recuperar el tiempu perdíu. Como’l...

A cualquiera que-y dea por entrar nun apartáu d'esti blogue, na parte arriba, que pon "Biografía" (la verdá, nun ye nada interesante) verá que pongo que la mio verdaera vocación yera la de futbolista. Nun puedo dicir que soi un futbolista frustráu porque llegué a xugar en dos grandes equipos modestos de Xixón: La Braña y el Ciares. Y nun hai contradición nos términos "grandes" y "modestos", porque munches veces esos llamaos modestos podríen enseñar munches coses a los llamaos...

El Reináu de Felipe VI empieza como'l de Felipe II, cola derrota de L'Armada Invencible.

Creo que voi dexar pol momentu'l tema Monarquía o República, porque resulta yá tan masuñáu qu'aburre. Tou "quisqui", ente los que m'alcuentro, da la so opinión, lo cual ta sostituyendo al famosu referendum, qu'ehí ye onde daveres debiéremos dala y que, amás, fuere vinculante. Porque, anque toos damos la nuestra opinión, éstes nun valen lo mesmo. Unes danse en casa, nel chigre, na oficina o faciendo la compra. Y otres caltiénense dende plataformes mediátiques, televisiones, radios, prensa escrito... Eses valen...

Yera un pirata modernu, llevaba un deshauciu ente los dientes.

Tolos esforciaos llectores d'esti blogue saben, porque siempre lo dixi, la manía que-y tengo a esa táctica futbolística denomada pola prensa deportiva "el Tiki-Taca". Un sistema de xuegu qu'aburre a les piedres -inclusive a los que ganen, como dixo'l presidente del Bayern- y qu'a lo llargo de munchos años se dixo que yera la panacea de la Seleición Española. Una Seleición que cuntaba con una plantiya de futbolistes únicos, una xeneración irrepetible, que xugaríen y ganaríen lo mesmo con esa...

Noticia: Alcuéntrense restos de cuatro Cervantes nel Conventu de les Trinitaries de Madrid. Agora falta saber cuál d'ellos escribió'l Quixote.

Diz el Rei (o la Casa Real, que pal casu ye lo mesmo) que nun hubo nenguna improvisación nesto de l’abdicación. Que lo tenía decidío yá dende va unos meses y que lo sabíen les persones que tenién que sabelo. Si eso ye asina, nun sé a quién-y lo diría’l monarca, si al peluqueru, al tenderu de la esquina o al repartidor que lleva les pizzes a la Zarzuela, porque los que daveres tendríen que lo saber andaben a uves....