Principió a publicase nel añu 1990, o seya que yá orbayó, tronó y xarazó abondes veces. Yera un númberu O nel que se dicía, nel editorial qu'abría les sos páxines, que: "...ñaz col enfotu, esa fonda esperanza cola que surden les revistes lliteraries, de comunicase con homes ya muyeres concretos, anque desconocíos: el públicu llector", y más alantre, "...la realidá lliteraria d'Asturies, valoratible ya complexa, pesie a la situación amenorgada de la llingua, ye'l nuesu referente ya la nuesa vocación..."....

Nun hai Monarquíes nueves, si acasu vuelven "tuneaes".

Baráxense dellos motivos pa la renuncia/abdicación del Rei Juan Carlos I en favor del so fíu Felipe: la mala salú, el descréitu de la monarquía en xeneral y del rei en particular, los problemes xudiciales de la Casa Real, etc. Lo más llóxico ye que nun seya un solu, sinón una mecia de toos ellos lo qu’impulsó al Borbón a trespasa-y la corona –colo qu’ello conlleva- al so fíu. Por cierto, cola modificación de la llei sálica que beneficia a...

Cómo son estes coses de la realeza, llevantámonos un amanecerín con un rei y vamos a acostanos con otru. Nada de toos esos trámites aburríos y pesaos, en qu’hubiere que preparar unes elleiciones, presentar unos candidatos, facer un poco campaña, votar, recoyer los votos, proclamar al ganador… Esto ye too pola vía direuta: equí te pillo, y equí te mato. Bien ye verdá que, tres l’abandonu del so puestu por Juan Carlos I, entovía nun nomaron al so fíu Felipe...

Diz el Rei abdicador que punxo toles sos aptitudes al serviciu d'España, la verdá, nun ye gran cosa.

CRUCERISMU.- Anden los políticos llocales de Xixón, les organizaciones qu’atropen a los comerciantes de la ciudá y dalgunos de los propios comerciantes a la caza del crucerista. Esa moda turística que principia a llegar a la costa asturiana y que dexa, mui de xemes en cuando, un puñáu de despistaos personaxes a los qu’atopes pela cai Corrida, pel Muru o pel Muelle cola so condición llantada na cara. Yo veo bien que, a esta xente, se-yos procure información y propaganda,...

Por tercer vez no que lleva de vida, que nun ye mui llarga, la Editorial Pintar-Pintar acaba ganar el Premiu Nacional a la Edición, na categoría de Lliteratura Infantil y Xuvenil, d'ente "un porrón" d'editoriales de gran prestixu. La obra premiada, publicada n'asturianu y castellán, ye "Versonaxes" / "Versonajes", que recueye unos prestosos poemes pa neños, d'Aurelio Gónzalez Ovies,  colos perguapos dibuxos d'Ester Sánchez. Trátase, entós, d'un album mui completu onde'l diseñu, la maquetación, les illustraciones y el textu, formen un...

Tuvi nel Teatru Xovellanos viendo la obra de Juan Ruiz de Alarcón "La verdad sospechosa". Representóla, mui prestosamente, la Compañía Nacional de Teatru Clásicu. Tan prestosamente que, camiento, que la representación tuvo percima de la obra. "La verdad..." cuenta la historia d'un mentirosu compulsivu que, coles sos mentires, introduz a tolos que lu arrodien nuna especie de telaraña na que se ven atrapaos. Él ye'l que más lo sufre, pues emburriáu per eses mentires enfádase col padre, tien de batise...

Manda madre que'l que derrote al PSOE se llame Pablo Iglesias...

Teníamelo anunciao Iris ente'l mio esceuticismu: "Yá verás cómo Podemos va dar la campanada". Y diéronla. Más que campanada, campanazu, porque sacar cinco escaños pal Parllamentu Européu faciendo una campaña cuasi ensin perres, con poca presencia física nes televisiones y poca nos papelos pero, eso sí, utilizando bien les llamaes "redes sociales", tien un méritu pergrande. Los partíos tradicionales, vieyos, anquilosaos, sapozaos nos sos propios problemes, autistes cara a la sociedá y con un desprestixu cada vuelta más grande, pegáronse...