Continúa la españolización de los nomes nel Festival de Cine de Xixón: el señor Carballo pasará a llamase señor Roble. Pa que lo entiendan.

Hai una espresión mui asturiana que vien a reconocer a los homes qu'atropen pa sí determinaes cualidaes: ser xente de bien, tener pallabra, ser cabal, tener dignidá, nun engurriase frente a los poderosos... Cuando dalguién lo axunta too dizse: "esi ye un paisanu". Tamién se matiza: ye un paisanu que se calza pelos pies. Pues bien, pa falar del recién fallecíu Nelson Mandela podríen enllenase munches páxines de periódicu, tal y como ta faciéndose en tol mundu. Yo, modestamente, definiríalu...

¡Cuidáu pensionistes! Anda sueltu'l Violador de La Moncloa, que violó dafechu a toles promeses ellectorales. Ye reincidente.

A Fernado Argenta nun puedo denomalu como un “muertu ilustre”, talo que’acabo de facer con otros, porque s’enfocicaría. Si él fue a quita-yos la peluca y la povisa a los mayestros de la música clásica, como vamos a estes altures a poné-ylos a él.  Fernando fue un "axitador” musical, un francutirador, un sufraxista de la causa. Una causa que nun yera otra qu’esa maraviosa música clásica a la que nunca nun podíemos acceder porque nos resultaba “un peñazu”. Non la...

"Si sumamos los cambios que se-y quieren dar a la Constitución nun sentíu, y los cambios que se-y quieren dar nel sentíu contrariu, el resultáu ye cero, colo cuál va a siguir too como ta". (Xuan Pintueles, matemáticu constitucional)

Nel espaciu d’unos pocos díes dexaron esti mundu (eufemismu que siempre me prestó muncho, anque tamién pudiere referise a los astronautes) tres persones conocíes y d’estremaes valoraciones. La primera, por orde d’importancia patriótica fue don José Cosmen Adelaida, fundador y gran factótum de la empresa ALSA. Unes sigles que siempre identifiqué cola mio patria. Tuviere onde tuviere, si vía o viaxaba con un autocar que poníes eses sigles, paecíame que yá taba n’Asturies. Escribo esto dende Santander, frente a la...

Últimamente pásame como a esi Maduro, nun paro de ver en toes partes la cara de Wert.

Llamentablemente. Habría qu'amestar al títulu de más enriba. Porque l'anuncia de les trampes y falsificaciones cometíes por esi sindicatu n'Andalucía nun ye una bona noticia. Agora, de magar trescendió l'asuntu, hai neso que se llama "la opinión pública" (que suel ser más bien "privada") un resgase les vestidures y dase güelpes de pechu diciendo eso de "tu quoque filii mei". Tu tamién fíu de Pablo Iglesias. ¿Cómo pudo asoceder? ¿Por qué cayeron na tentación, nel contaxu? ¿Nun teníen que ser ellos exemplu de...

El PSOE dixo na so reciente Conferencia Política que tenía pasión poles llingües. Debe tratase de dalgo erótico.

Dacuando, sapozaos nesti mundu cercanu de corrupciones, engaños, mentires y pequeñes miseries, deberíemos llevantar la vista del suelu y mirar lo que ta un pocoñín fuera de nosotros. Esi otru mundu tan prósimu y, al tiempu, tan llonxanu, qu'esiste ehí pa vergoña nuestra. Y ver, tamién, qu'inclusive neses circunstancies tan abegoses, hai xente que llucha, s'esfuercia y trabaya polos que nun tienen la suerte de vivir nesti corruptu Primer Mundu. Y esto que digo nun ye "moralina" barata. Ye un...