Lleído na prensa: "El gobiernu cambia la llei pa que condenaos puedan dirixir Bancos". Como tendría de ser: "El gobiernu cambia la llei pa que los que dirixen Bancos puedan ser condenaos".

En realidá esti títulu ye falsu pues los cuentos esisten dende qu'esiste el ser humanu (pa los interesaos nel tema recomiéndo-yos la llectura del mio llibru "El síndrome de Scherezade". Perdón pola autopropaganda). Lo que quiero dicir con el, ye que se cumplen doscientos años dende la publicación de los famosísimos "Cuentos pal llar y pa la infancia", de los hermanos Jacob y Wilhelm Grimm, publicaos n'avientu de 1812. Los hermanos Grimm nun yeren ximielgos, pese a que dalgunes referencies periodístiques...

Siempres prefiero lo bono por conocer, que lo malo conocío.

Toi dafechamente d'alcuerdu col planteamientu del sindicatu de la enseñanza SUATEA sobre la nuestra llingua, al respective de les declaraciones de la Conseyera d'Educación, polo que nun voi repitilu nesti blogue. Pero, amás, la murnia Llei d'esi paisanu apellidáu Wert, nun sólo perxudica fondamente al pueblu asturianu, dexando a la llingua peor parada de lo que taba nel circuitu educativu, lo que yá "manda madre", sinón que tamién dexa fuera otros munchos temes d'enorme importancia pa la formación de los neños y...

Ta claro que la filosofía nun val pa nada. Por exemplu, una parte d'ella ye d' Adorno.

Esti martes pasáu, na presentación na Casa Cultura d'Avilés del llibru "El xaretón del embeligru", entamé dando les gracies al publicu pola so asistencia. Pero ello nun yera un meru formulismu, sinón que dixi que yera una necesidá. Hai que zarrar files. Porque a la vista la situación actual de la llingua, de la lliteratura, y de la cultura asturiana en xeneral, vamos tener que volver a los tiempos primitivos de "Conceyu Bable" en que, los qu'ellí tábemos y otra xente d'otros...

Títulu: Mátalos suavemente Autor: George V. Higgins Torna: Magdalena Palmer Editorial: Libros del Asteroide Añu: 2012 (d'un orixinal de 1974) "GRANUJAS DE MEDIO PELO".- Emplego esti títulu d'una película de Woody Allen porque pienso que s'axusta perfeutamente al conteníu de la novela. Un llibru que me llegó perbién recomendáu, pero que nel mio casu nun cubrió les espeutatives. Nun hai que ser mui llistu p'aldovinar que'l fechu de la publicación de Mátalos suavemente (odio la costume "canibal" de tracamundiar los...

Los americanos son un pueblu d'armes tomar.

Esti martes, día 15, na Casa Cultura d'Avilés, vamos presentar el "cuentiariu" de Milio Mariño "El xaretón del embeligru". Vamos tar ellí, amás de la responsable de la editorial Suburbia, Silvia Cosío, l'autor y esti qu'escribe, en funciones de presentador. Aseguro a los que vaigan perellí que nun sedré mui "peñazu", o seya, que nun tendrán que sofrir muncho, pa dexar que fale Milio que, en realidá, ye'l "mocín" del actu. Asina que yá lo sabéis: tais toos invitaos a...

ANUNCIU: “Gran Circu Rajoy”: Coles “mentires incontrolaes”. El funcionariu de la paga menguante. El xubiláu invisible. La familia que fai equilibrios nel alambre. El “trileru” autonómicu. El domador de sindicatos. El privatizador pantasma. Los payasos de la tele pública. El llevantador de sueldos. El trabayador que pasa pol aru. Y la fantástica atraición musical, "Los defraudadores del Paraísu Fiscal"… ¡GRANDES SESIONES DE TARDE Y NUECHE! NOTA.- 50% descuentu si presenten el pasaporte catalán.