Los fueos más presumíos son los fueos "fatuos".

Tenemos una casina en Pión que yera de los mios suegros. Ellí xubimos los branos a pasar dellos díes, retiraos del "mundanal ruíu", y ellí tengo yo escrites delles coses de les que voi publicando. Somos socios de la sociedá de festexos (SOFESAN) como mou de participar de les xeres de la parroquia y, cuando aporten les fiestes, agora a la fin d'agostu, baxamos a la costiellada popular y el llunes, que ye'l "fiestín", a la misa, a la procesión y...

Falaba l'otru día, tres el fallecimientu de Richard Matheson, que nel plazu d'un añu morriérenme dos de los mios escritores favoritos, Matheson yera'l segundu depués del gran Ray Bradbury. La llista enánchase agora cola muerte del norteamericanu Elmore Leonard, un de los grandes de la novela negra. Quiciás dalgún de los munchos llectores d'esti blogue tea agora banciando la cabeza pa los llaos y diciendo: "¡Por Dios, esos son escritores "populares", o de xéneru, y fala d'ellos comparándolos colos grandes de verdá...

Güei, como esceición, doi entrada nesti apartáu a la collaboración de los llectores: Lletreru nuna tienda de ropa al llau de la mio casa: "Hay vaqueros de tiro alto". ¿Qué comentariu ponemos?   

La selmana pasada llamóme Georgina Fernández pa participar nel programa de la RPA "Noche tras Noche", que dirixe Marcos Vega. Queríen dambos falar sobre'l personaxe d'Inés Saldaña, protagonista de la mio novela "Relato de las aventuras de Inés Saldaña, y de cómo ayudó a Colón a descubrir América"  (Ed. Pearson. Colec. Alhambra joven nº 5. Madrid, 1ª edición del 2006. Nes caberes ediciones, la editorial acurtió'l títulu a "Las aventuras de Inés Saldaña"). Sorprendióme, porque como pue vese pola referencia, ya...

Esti añu ye un nun aparar: entro pel tanatoriu como si fuere la mio casa. Güei llámenme de l'Academia pa dicir que Miguel Ramos Corrada acaba morrer, anuncia que, non por esperada, fai menos dañu. Conocía a Miguel dende hai, polo menos, cuarenta años. Abúltame que más porque sería a primeros de los años 70 del sieglu pasáu. D'aquella él militaba nel MC, movimientu comunista arreyáu al maoísmu, y yo acababa abandonar la USO cuando se camudó nun sindicatu más o menos tradicional....

"Ser el meyor en dalgo nun quier dicir ser bonu" (Xuan Pintueles, filósofu)

Títulu: "Shakespeare y la ballena blanca" Autor: Jon Bilbao Editorial: Tusquets Añu: 2013 UNA FÁBULA SHAKESPEARIANA.- Va unos meses reseñé un prestosu llibru de cuentos del autor asturianu Jon Bilbao (Ribesella, 1972) que llevaba por títulu "Bajo el influjo del cometa". Tratábase d'ocho cuentos, los cuatro primeros mui guapos y los otros cuatro dalgo menos. Nesta nueva obra Bilbao ufiértanos una novela, anque un aquello peculiar. L'argumentu cuenta un viaxe marítimu del gran William Shakespeare, nuna espedición unviada pola Reina Isabel d'Inglaterra a...

La muyer del matemáticu salió de cuentes.

Tenía yo nueve o diez añinos y facía primeru o segundu de bachiller nel vieyu Institutu Xovellanos (d'aquella nun yera' l "vieyu"). Recuerdo que nun llovía lo cuál, n'iviernu en Xixón, yera una novedá. Entraron unos paisanos na nuestra clas, falaron col profesor y ésti dixo: "Hala, que vamos de manifestación". Colamos d'ellí encantaos de "pirar" clas y punxéronnos formando unes files. Nun teníemos idea de qué yera too aquello pero díbemos contentísimos. Había unes pancartes que poníen "Gibraltar español"...