Na entrada anterior a ésta punxe que me prestaba muncho Mario Vargas Llosa como escritor, anque refugaba cuasi tolo que dicía nos caberos años (munchos) sobre too en materia socio-política. Gran parte d'ello queda recoyío nuna carta que'l mio gran amigu José Manuel Agüera, Profesor d'Economía y Caderalgu Européu, dirixó al autor peruanu nel diariu El País. Fue una polémica que -creo- ganó por goliada Agüera, anque llueu metiere perhí "el cuezu" el fíu de Vargas Llosa ensin munchu aciertu....

Ésta ye la última crítica que fici d'una novela de Vargas Llosa,autor col que disiento no político, pero que me paez un gran escritor. Reprodúzola equí como homenaxe a la so memoria. «Cinco esquinas»: un Vargas menor 17Jul Tengo dicho notros llugares, y quiciás nesti mesmu blogue, que colos escritores (homes y muyeres) pásame una cosa curiosa y ye que los hai que nun me caen bien como persones, y en cambiu préstame muncho lo qu’escriben, y al revés: hai...

Salgo del estrenu de la ópera "La Regenta", de Marisa Manchado y Amelia Valcarcel, con un mal tastu na boca. Cola impresión de qu'aquello qu'acabo ver nun ye lo que Clarín escribió. Ta claro que, una adautación, nesti casu pa ser musicada y cantada, nun pue ser talo que l'orixinal. Y dígolo yo qu'acabo facer una adautación pa chavales d'esa mesma obra y costóme sangre, sudu y llárimes. Imaxino lo que ye'l facelo pa un trabayu d'eses dimensiones. Una cosa...

Nun soi yo mui aficionáu a eso que llamen "realismu máxicu". Sí me prestó "Cien años de soledad" porque yera novedá y, sobre too, porque cuasi tolo que nos llegaba de la llónxana y diferente Sudamérica tenía esi aire a maxa y fantasía, al puntu que nun estremabes mui bien lo que yera real y lo que suponía esaxeración, qu'eso ye en definitiva de lo que falamos. Claro que nunca llamaría a los cuentos de, por exemplu Borges, "realismu máxicu",...

Abultóme mui estraño la poca asistencia qu'hubo ayeri nel teatru Xovellanos p'asistir al conciertu/recital de Schumann y Heine, dientro de les xornaes de la POEX25 de Xixón. Unes xornaes enllenes d'actos per cafés, llibreríes y salones d'actos, con xente, una más conocía y mas interesante qu'otra. Yo, la verdá, a munchos nun los sintiere nunca, pero eso ye más defeutu míu qu'otra cosa, pues igual ye que nun sigo la poesía tan cerca como debiere. Pero, como digo, resultóme perestraño...

Tuvo mala suerte l'arxentín Jorge Fernández Díaz de llamase como aquel infaustu ministru de Rajoy, beatu, tramposu y facha pues igual dalguién pudiere confundilu con elli. Por suerte nun tienen nada que ver. A la escontra, esti otru Jorge ye un escritor que vien de ser reconocíu col famosu Premiu Nadal pola novela "El secreto de Marcial" y, polo que nella cuenta, paez ser una bona persona. Acabo, recién, de lleela y tengo de dicir que me prestó, ensin tratase...

Ivy Pochoda ye una escritora norteamericana que tien yá un ciertu nome, pese a que namás se conoz otra novela suya de títulu "Esas mujeres". Un grupu de seis muyeres mui diferentes que tienen que se defender d'un asesín en serie. Nun la lleí asina que más nada puedo dicir d'ella. Pochoda saca agora esta otra novela de la que pongo'l títulu n'inglés porque'l de castellán ye tan repunante como artificiosu: "Una melodía de muerte y destrucción", una torna que...

Don Pedro Calderón de la Barca (1600-1681) nun necesita nenguna presentación, pues anque namás fuere poles veces que nos lu recitaron nel Bachiller (el d'antes, claro), ya nos quedó llantáu nel maxín xunto con otros notables colegues de la Edá d'Oru española: Lope, Quevedo, Góngora... Cítense muncho, pero lléense poco, esa  ye la verdá. Porque, anque ye cierto que depués de 400 años les coses nun son iguales (por suerte, creo), sí ye verdá que les grandes pasiones y los...

Louise Penny ye una escritora canadiense mui prolífica, profesión qu'exerce depués de pasar pol periodismu escritu y radiofónicu, y na cual ta yá centrada dende va una montonera d'años. Na so mocedá tuvo problemes col alcohol, según cuenten los biógrafos y, quiciás como compensación, calumbóse dafechu na escritura con mui bona fortuna. Anque tien otros llibros diversos, lo que-y dio la fama (y los premios) fue la serie de noveles policiaques protagonizaes pol Inspector Armand Gamache (paezme que son trece),...

Sé que tien unos cuantos llibros más pero l'únicu que lleí del gran escritor turinés fue "Seda". Esa estraña novela d'amor que puede lleese como'l qu'amira un cuadru o contempla una escultura. Un llibru preciosu onde lo que menos importa ye l'argumentu (un comerciante francés que viaxa a Xapón a mercar gusanos de seda) y lo que más, la forma de cuntar les coses, les imáxenes visuales, la cadencia qu'enllena tol rellatu. Dalgo distinto, personal, propio. "Abel" ye una novela...