Los xubilaos siempre fueron un coleutivu social respetáu. Trátase d’unos homes y muyeres que trabayaron tola so vida llaboral, dexando lo meyor d’ellos mesmos nunos trabayos munches veces duros, insanos o pelligrosos. Nun se trata de mitificar a naide, habrálos que lo consiguieron con menos esfuerzu pero, fuera como fuere, el país beneficióse de la so aportación llaboral, y les arques del estáu de les sos cotizaciones a lo llargo de cuarenta años. Asina fueron a entendelo tolos gobiernos que...

Dacuando, viendo les milenta llaceries que pasen pol mundu, éntranos un aquello de mala conciencia y pensamos si nun podríemos facer dalgo p'aidar a esa probe xente víctima de guerres, de catástrofes o d'enfermedaes. Homes, muyeres y neños padecen y muerren a lo llargo d'esti planeta nuestru, ensin que, unes veces porque nun podemos y otres porque nun sabemos, seyamos a echa-yos una mano. Yo collaboro modestamente con Mélicos ensin Fronteres, con una cuota que vien a ser el costu...

Tenía superavit na so balanza de corrupciones.

Nun lu tengo na mio llista d'escritores preferíos, pero abúltame que nun ye inxusto que-y dieren al andaluz Antonio Muñoz Molina'l premiu Príncipe d'Asturies de les Lletres. Ye un escritor sólidu, comprometíu como escritor y como persona y que va llevando, dende va tiempu, tou un rosariu de premios importantes. A min préstame más como ensayista o columnista que como narrador. De fechu tengo de reconocer que, por exemplu, "El jinete polaco" nun fui a ella y terminé feneciendo ente les...

Siempre qu'apaecen protestes, de la manera que fuere. Siempre que la xente sal a la cai pa manifestar la so opinión o ciriticar determinaes midíes de los gobiernos, éstos, seyan del signu que seyan, intenten presentar los fechos con aquelles frases que dicía Franco y qu'entovía recuerdo al pie de la lletra: "Esas minorías de eternos descontentos que a nada ni a nadie representan..." Agora llámenlos tamién "minoríes violentes", "antisistema", etc. Y yo nun digo que nun haya d'esos, ta...

Tendríen de crear un Ministeriu de Fumigación Ética.

Acabóse, por fin, la que m'abulta que fue la Lliga de Fútbol más aburría de la historia. Un campeonatu que yá pel mes d'ochobre taba decidíu, pero que tenía que siguir, machaconamente, hasta'l día d'ayeri, 1 de xunu, selmana tres selmana, ensin nengún interés pa los que, como ye'l mio casu, prestábanos esi deporte. Porque, claro, a min que baxe'l Depor o el Zaragoza, o xuegue la UEFA, o como diaños se llame agora, el Málaga o el Rayo, déxame "al...

Yera un patriota del dineru.

Nel periódicu una fueya entera, de pagu, anunciándolo. Más tres o cuatro reportaxes, comentándolo. Promuévenlo, el diariu El Comercio, El Teatru Xovellanos del Ayuntamientu de Xixón, Cámara de Comerciu y delles firmes comerciales. El llugar: El Recinto Ferial Luis Adaro xixonés. Y l'anunciu promete "paseos en calesa andaluza", "tablao flamenco", "tapeo, rebujito, manzanilla, cañas... y mucha música". Sevillanes y Rumbes. Concursu de sevillanes infantiles. Cante, guitarra y bailes flamencos. Misa rociera.... y dalgunes coses más que nun quiero echar más tiempu...

Cúmplese estos díes l'aniversariu del primer ascensu al monte más altu del mundu: l'Everest. Sesenta años, paezme que son. Y asina lo recueye la prensa con gran paraxismu. Yo nunca nun fui mui aficionáu a la montaña, sinón más bien d'esos que llamen un poco despeutivamente, "montañeru de prau". Y ye que nunca fui a valorar l'esfuerzu de la xubida pa la recompensa que trayía consigo, eso que los verdaderos montañeros nun saben desplicar, pero que sienten. La recompensa, dícente, ye la...