Non, nun se trata de dalgo que cinque a la venida del Santu Padre al nuestru pequeñu mundu que, por cierto, lo poco presta pero lo muncho cansa, sinón del últimu llibru de la "allabada" escritora Fleur Jaeggy. Suiza de nacencia, emigró ceo pa Italia onde s'afincó y casó, y tola so obra ta escrita n'italiano, anque tien una formación proviniente de colexos suizos. Fleur ye una d'eses persones qu'odia les entrevistes y que-y faigan fotos, y eso, nun mundu...

Diben cuatro años que nun sabía nada d'ella, pero la discreción de Paco Abril y del so fíu Gabriel, nun podíen tapecer lo que yá yera una evidencia: que Victoria estaba malina y mui alloñada del mundu lliterariu y, por desgracia, del de los sos amigos. Una amistá de munchos años que, agora, que  yá nun ta con nosotros, pasen per delantre los güeyos como un recordatoriu de momentos guapos. Ella fue la que me fizo l' "Entamu" de la...

Cuando entamé a lleer esta novela conocía dalgunes coses de la biografía del autor. Poeta premiáu, ensayista, finu estilista de la polémica (tuvo encontronazos con xente diverso, la cabera col Presidente de la RAE) y home d'izquierdes. Dende va unos cuantos años direutor del Institutu Cervantes. Pero, amás d'ello, García Montero formó un prestosísimu tandem con  Almudena Grandes hasta la prematura muerte d'ésta. Dambos fueron un exemplu de llucha escontra la ultraderecha y en favor de les causes de los...

Díxolo elli nalgún sitiu, o inventélo yo porque me paeció que pudo dicilo elli, eso de que l'historial de navegación pudiere ser el resume de les páxines web que visitasti nun tiempu, pero tamién y -digo yo- más importante, el resume de llugares (vivíos, suañaos, maxinaos) en tola to vida. Seya como fuere, l' "Historial de navegación" ye un ¿poemariu? d'Héctor Pérez Iglesias. Permítome poner una interrogación enriba la pallabra poemariu porque, la verdá, nun toi seguru de que lo...

Tamos delantre d'una biografía escrita pol prolíficu Lorenzo Silva que tien por protagonista al Xeneral Miguel Campins. Nella cuéntase la vida del ilustre soldáu a lo llargo de tolos destinos, aparándose de mou fundamental nos años d'Africa, onde participó de munches de les batalles que se produxeron en tierres del Rif. Eses tierres ocupaes por unes kábiles guerreres y cuyu interés yera escasu, masque por dicir qu'España tamién tenía colonies como los paises grandes (Inglaterra, Francia...) Y ye verdá que...

Dicir que "Patria" ye la meyor novela sobre'l mundu d'ETA nun ye dicir demasiao, la mayoría de la xente que la lleó podría tar d'alcuerdu conmigo. Retrata, paezme que con fidelidá, la vida nesos pueblos pequeños del País Vascu onde "Euskadi Ta Askatasuna" tenía a la xente acoyonada y tremerosa de nun ser señalada pola banda terrorista porque entós yá taba perdida. El vacíu al so alredor, el mieu a salir a la cai a la espera del tiru na...

Juan Gómez-Jurado ye un paisanu simpáticu, bon comunicador, que lleva yá un tiempu asentáu na prensa y na lliteratura nun solo españoles sinón, como presume la editorial, n'otros dellos paises pues los sos llibros tán tornaos a "más de 40 lenguas". Anque la so obra ye abondosa, destaquen unos títulos mui sonoros que son dalgo asina como "Reina roja", "Loba negra" y "Rey blanco", anque igual mezclo los colores. Yo lleí, enantes de les de los colores, una aceptable novela...

La secretaría Llingüística del Navia-Eo, que ye la que lleva los temes d'esa estaya pa l'Academia de la Llingua Asturiana está publicando, ente otros munchos trabayos, una serie de poemarios embaxo'l títulu xenéricu de "Bidureira". Tengo delantre los tres últimos que correspuenden a otres tantes muyeres y que lleven por títulos: "Estaxos", de Carmen Siñeriz; "Mentres faga solombra", de María José Fraga y "Péndula", de Natalia Riego. Pal que nun conoza nada de la poesía que se ta escribiendo n'eonaviego,...

A mui pocos escritores noruegos lleí, sacante a Ibsen que queda yá un migayín lloñe, y aquella novela de Knut Hansen titulada "Hambre" y que venía nuna coleición de bolsiellu que se llamaba (paezme) "Reno". La verdá, yá nun m'alcuerdo nin de qué trataba. Asina que poneme a lleer a Per Petterson fue toa una novedá. Una novedá prestosa porque la so llectura fue un descubrimientu. Atráxome yá dende un títulu tan guapu como "Salir a robar caballos", una especie...

Maricela Guerrero ye una d'esa xeneración d'importantes escritores latinoamericanes que tán llegando agora a España un poco con cuentagotes. Nacida en Ciudá de México nel añu 1977, fue hasta agora una mui valoratible poeta con una decena poemarios y participación en numberoses antoloxíes. Y digo "hasta agora", porque ta acabante salir a les llibreríes la so primer esperiencia como narradora: la novela "Bronce dorado". Una novela que podríemos definir como esperimental, si esti términu nun tuviere yá un poco devaluáu....